Cundiziuns da fatschenta per il portal dad open data dal chantun Grischun

Il portal open data dal chantun Grischun (https://data.gr.ch/) vegn manà da la partiziun Datas e statistica da l'Uffizi per economia e turissem dal chantun Grischun sin basa da l'art. 6 da la Lescha davart l'administraziun digitala (LAD, https://www.gr-lex.gr.ch/app/de/texts_of_law/177.100/art/6). Proprietaria da las datas è mintgamai il post ch'ella publitgescha.

Il cuntegn e la structura da questa pagina d'internet èn protegids tenor il dretg d'autur. Las datas ch'il formular cuntegna ston vegnir duvradas confurm a las licenzas inditgadas. I vegn recumandà en mintga cas d'inditgar la funtauna. Igl è scumandà da duvrar datas persunalas u d'auter material ch'è per tge motivs er adina vegnì publitgà illegalmain.

I na dastga betg vegnir svegliada l'impressiun ch'il chantun saja participà en ina furma u l'autra a l'utilisaziun da las datas, a la producziun da products u a la furniziun da servetschs u sustegnia questas datas. Vopnas chantunalas sco er marcas e logos dal chantun Grischun na dastgan betg vegnir duvradas.

Nus ans legrain dals resultats che derivan da l'elavuraziun e da l'utilisaziun da las datas dal portal dad OGD. Gugent pudais Vus ans trametter Vossas applicaziuns per e-mail, sur il formular da contact u directamain sur il formular d'utilisaziun da l'unitad da datas respectiva. Suenter ina controlla publitgain nus quellas sin il portal dal chantun Grischun sut «Ulteriuras utilisaziuns».

Exclusiun da responsabladad

Tenor l'art. 6 al. 5 LAD (https://www.gr-lex.gr.ch/app/de/texts_of_law/177.100/art/6) na surpiglia il chantun nagina garanzia che las datas che vegnan configuradas en il portal dad OGD sajan actualas, correctas, cumplettas u exactas ubain ch'ellas sajan accessiblas e possian vegnir consultadas da tut temp. Uschenavant che quai è permess tras lescha excluda il chantun Grischun tut la responsabladad per il portal dad OGD sco er per las datas che stattan a disposiziun sur il portal dad OGD. Las datas dal portal dad OGD vegnan duvradas sin atgna responsabladad e sin atgna ristga. Las datas purschidas n'èn betg ina infurmaziun giuridicamain lianta dal chantun Grischun.

Infurmaziuns da contact

Per dumondas u per giavischs contactai per plaschair:

Uffizi per economia e turissem
Datas & Statistica
Ringstrasse 10, 7001 Cuira
E-mail:
Telefon: +41 81 257 23 42