Commerzi cun l'exteriur dal Grischun tenor pajais, dapi 2019

La statistica dal commerzi cun l'exteriur cumpiglia ils imports ed ils exports dal chantun Grischun, classifitgà tenor direcziun da traffic, perioda (mais, onn) e terren, tenor summa totala conjuncturala (total 1) e tenor dumber total (total 2). La descripziun da la metoda po vegnir consultada sin la suandanta pagina d'internet.

Summa totala da la conjunctura (total 1) e summa totala (total 2)

Ils resultats da la statistica dal commerzi exteriur vegnan publitgads tenor la summa totala conjuncturala (total 1) e tenor la summa totala (total 2). La differenza tranter las duas summas totalas è che metals prezius, craps nobels e craps halpurtgets sco er objects d'art ed antiquitads èn bain cuntegnids en la summa 2, dentant betg en la summa 1. La summa 1 vegn duvrada principalmain per analisar la conjunctura, entant che la summa 2 vegn duvrada per far la cumparegliaziun cun auters pajais.

Pajais

Tar ils imports è dapi il 1. da schaner 2012 il pajais d'origin decisiv per la statistica dal commerzi cun l'exteriur (pli baud: pajais da producziun). Il pajais d'origin è il pajais, nua che la rauba è vegnida producida dal tuttafatg u per gronda part. Per l'export è il pajais da destinaziun impurtant. Sco pajais da destinaziun vala il pajais, en il qual la rauba è vegnida exportada u raffinada (elavurada vinavant).