Glista da scolas per sport da naiv cun emploiads senza scolaziun renconuschida sa basond sin la lescha chantunala davart il sport da muntogna e da naiv

L'unitad da datas cuntegna in register public da las titularas e dals titulars d'ina permissiun (p.ex. scolas da sport da naiv) tenor la lescha chantunala davart il sport da muntogna e da naiv (LSMN). El mussa tge manaschis che lavuran en il sectur da responsabladad da gestiunaris da runals e da telefericas (territori da pistas segirà) en il chantun Grischun e engaschan per quai persunas senza scolaziun renconuschida.

Las datas vegnan rimnadas centralmain da l'uffizi per economia e turissem dal Grischun (UET). Quest uffizi conceda er las permissiuns. La glista serva a l'infurmaziun publica davart las titularas ed ils titulars d'ina permissiun ch'èn actualmain valaivels.

La glista vegn actualisada cuntinuadamain. Registrads vegnan mo quels manaschis che possedan ina permissiun valaivla. Ina permissiun LSMN vegn concedida da princip per il temp illimità. Sch'i vegn midà la furma giuridica d'ina possessura u d'in possessur d'ina permissiun, dal num da la firma, da la persuna responsabla u da l'assicuranza da responsabladad, sto vegnir dumandada ina nova permissiun LSMN. Indicaziuns davart ulteriuras caracteristicas u davart la qualitad da las activitads purschidas na sa laschan betg deducir da l'unitad da datas.