Zonas da construcziun e stadi da la surbajegiada

Questa unitad da datas mussa las surfatschas da las zonas da construcziun en vigur tenor l'utilisaziun principala e tenor il stadi da la surbajegiada.

Basa da las datas: Questa statistica sa basa sin las zonas da construcziun en vigur da la planisaziun d'utilisaziun communala e sin il stadi da la surbajegiada tenor la survista dal stadi da la surbajegiada, da l'avertura e da la madiranza da construcziun (SAM). Questas basas da datas èn chaussa da la vischnanca sco purtadra da la planisaziun (art. 3 LPTGR). Pervia d'operaziuns geometricas e pervia da l'adiziun pon las indicaziuns da las surfatschas en m² cuntegnair differenzas d'arrundaziun.

Actualitad: L'exactadad da questa statistica dependa da l'actualitad da las basas da datas e da las reglas d'actualisaziun correspundentas. Per zonas da construcziun resp. per utilisaziuns principalas vala da princip in termin d'actualisaziun da 30 dis suenter l'entrada en vigur da la determinaziun da zonas en la planisaziun d'utilisaziun (art. 20 OCGeo). Il stadi da la surbajegiada è suttamess a las reglas d'actualisaziun da la survista SAM. Pervia da differents aspects pon quellas variar, uschia che las datas pon esser plirs onns pli veglias (ulteriuras infurmaziuns en chaussa vesair chapitel 3 da la documentaziun da datas Survista SAM e reservas d'utilisaziun).

Ulteriuras funtaunas d'infurmaziun:

• Zonas da construcziun dal Grischun (BZ_GR): Descripziun detagliada e charta interactiva
• Planisaziun d'utilisaziun communala (planisaziun d'utilisaziun): Descripziun detagliada e charta interactiva
• Survista dal stadi da la surbajegiada: Descripziun detagliada e charta interactiva